Ова беше петта победа на Хјустон во исто толку натпревари, а за тоа повторно најзаслужен беше Џејмс Харден, кој за само еден скок не успеа да оствари трипл-дабл, остварувајќи 25 поени, 10 асистенции и 9 скокови. Одличен беше и Хауард, кој имаше 26 поени и 10 скокови, додека на спротивната страна единствен за пофалба беше Крис Бош со 21 поен и 8 скокови.
Леброн Џејмс повторно имаше лоша вечер и на мечот против Портланд забележа само 11 поени и по 7 скокови и асистенции, но учинокот од игра беше 4 од 12 обиди. Неговата слаба игра се одрази и на конечниот резултат, па Кливленд доживеа убедлив пораз од 101:82.
Во тимот на Портланд одличен беше Демијан Лилард со 27 поени, 6 скокови и 7 асистенции, а најефикасен во поразениот тим беше Кевин Лав со 22 поени и 10 скокови.
НБА резултати:
Л.А. Лејкерс – Феникс 106:112
Портланд – Кливленд 101:82
Торонто – Оклахома 100:88
Мајами – Хјустон 91:108
Њујорк – Вашингтон 83:98
Њу Орлеанс – Шарлот 100:91
Чикаго – Орландо 98:90
Индијана – Милвоки 81:87
