Илјадници луѓе се собраа во Вашингтон за да ја одбележат 57-годишнината од историскиот марш за граѓански права и да протестираат против полициското насилство, објави Би-Би-Си.
Настанот беше насловен „Марш со посветеност: тргнете ги колената од вратовите“, што се однесува на убиството на Џорџ Флојд што предизвика протести низ Соединетите држави.
Во меѓувреме , избувнаа нови протести поради полициското ранување на друг црнец, Џејкоб Блејк.
На собирот се обратија роднини на Блејк и Флојд, Брона Тејлор и Ерик Гарнер.
Ним им се придружи активистот за човекови права, пасторот Ал Шарптон и Мартин Лутер Кинг III, најстариот син на Лутер Кинг.
Настанот се одржува во време на насилни протести за повредениот на Блејк. Полицијата го рани во неделата, а две лица беа убиени во протестите во Кеноша, Висконсин.
Од смртта на Флојд во мај, маршевите за поддршка на движењето „Црните животи се важни“ против расизмот и полициската бруталност се раширија низ Соединетите држави и светот.
Кандидатот за демократски потпретседател Камала Харис се очекува да се обрати на собирот преку видео врска.
Маршот во Вашингтон во 1963 година е историски американски настан што е заслужен за донесување на Закон за граѓански права и завршувањето на сегрегацијата во 1964 година.
Околу 250.000 луѓе тогаш маршираа од споменикот на Линколн до споменикот на Вашингтон во еден од најголемите политички собири што ги видела земјата дотогаш.
