Илјадници тони овошје и зеленчук умираат на британските полиња, како резултат на наближувањето на Брегзит и речиси е невозможно да се најдат работници за берење и пакување на плодовите. Според „Гардијан“, најголем дел од хортикултурната работна сила се странски работници кои веќе не ги привлекува Велика Британија и тие се плашат од промена на статусот по Брегзит, па затоа ја напуштија земјата. Нови работници не сакаат да дојдат.
Значи, не е изненадување што само минатиот месец земјоделците пријавија недостиг на работници за околу 30 проценти, оставајќи толку многу шумски плодови, јаболка и мешунки оставени несобрани од нивите.
– Овој недостаток на работници е најголемата закана за нашиот бизнис. Без луѓе кои ќе ги соберат плодовите на растенија, како мешунките, за кои немаме опција за автоматизација, немаме ништо друго освен едноставно да ги оставиме да изгнијат, а супермаркетите веќе нема да ги имаат на своите полици – предупреди Крис Чин, одгледувач на боровинки и грав кој се откажа од бербата од дури половина од неговите производи за овој месец затоа што тој имал само 50 проценти од потребната работна сила.
Неговата фарма и другите во земјата претрпеа голем недостиг на работници и покрај тоа што регрутираа низ Источна Европа и нудат бонуси за добрите берачи и подобро сместување со бесплатно „WiFi“. Еден од земјоделците рече дека изгубил дури 87.000 кутии малини за само две недели затоа што му недостасувале стотици берачи.