Според регионалните податоци, достапни на веб-страницата на Фондацијата Отворено општество, на Џорџ Сорос, за 2018 година биле доделени вкупно 116 грантови во евроазискиот регион. Сепак, работите се малку покомплицирани од тоа, објави новинската агенција V4NA.
Централна Азија има строги правила што ја регулираат работата на невладините организации финансирани од странство. На пример, во Казахстан, прописите пропишани од државата се толку строги што е невозможно за граѓанските организации да имаат пристап до странско финансирање. Како резултат на тоа, Сорос и неговата мрежа избегнуваат да испумпуваат пари директно во локалните невладини организации. Наместо тоа, тие поддржуваат програми преку американски и европски граѓански организации кои имаат влијание во Централна Азија.
Најголемата сума, 1,5 милиони долари, „Отворено општество“ ја доделила на Американскиот универзитет за Централна Азија, високообразовна институција во Киргистан. Според описот на грантот, парите би можеле да се искористат за покривање стипендии за студенти од земјите од Централна Азија и од Киргистан, како и за поддршка на најразлични програми и истражувања.
Приватниот универзитет на Џорџ Сорос, универзитет во Централна Европа со седиште во Будимпешта, исто така го доби својот фер удел. Универзитетот на Сорос доби 126.983 долари за финансирање на стипендија до 25 лица, дозволувајќи им да учествуваат на 6-дневен курс дизајниран за развој на капацитетите на мрежата на истражувачи и тинк-тенкови во Молдавија, Ерменија и Киргистан.
Фондациите на Сорос се исто така видливо активни кога станува збор за поддршка на ЛГБТК организациите.
Европската лезбејска конференција доби 25 илјади долари за поддршка на градењето на лезбејските движења во Европа и Централна Азија.
Европското крило на Меѓународното здружение за лезбејски, геј, бисексуалци, транссексуалци и интерсексуалци – Европа доби 790 илјади долари во грантови за општо работење.
Фондацијата „Тајдс“ во САД, од Сорос, доби половина милион долари. Парите биле потрошени за проект наречен „Слобода да се венчаш глобално“, со цел зајакнување на стратешката комуникација помеѓу ЛГБТ организациите.
Од картата исто така е јасно дека мрежата на Сорос е најзастапена во Грузија.
Покрај организациите за поддршка, мрежата на Сорос финансирала 14 таканаречени стипендии во висина од 22.234 долари, како и 17 стипендии, на кои им беа доделени вкупно 343.671 долари.
