Бизнисменот Орце Камчев едногодишната затворска казна за случајот „Империја“ најверојатно нема да ја издржува во Скопје, туку во Казнено-поправниот дом во Струга, кој е полуотворен тип.
Камчев пред пет дена го известил скопскиот Кривичен суд дека ја променил адресата на живеење во Охрид. Тоа го сторил и неговиот бизнис партнер Ненад Јосифовиќ.
„Судот ги изврши сите неопходни увиди за да ја потврди доставената информација, а по констатирање дека осудените лица во текот на постапката извршиле промена на адресата, Кривичниот суд, согласно член 7 став 2 од Законот за извршување санкции, според кој надлежен суд за извршување на санкцијата е судот според местото на живеење, денеска го достави предметот на понатамошно надлежно постапување на Основниот суд во Охрид“, потврди Основен кривичен суд Скопје.
Камчев и Јосифовиќ постигнаа спогодба за случајот „Империја“.
