Португалскиот фудбалер Кристијано Роналдо, стигна до бројката од 300 милиони следбеници на Инстаграм, што претставува рекорд за едно лице на оваа социјална мрежа.
Роналдо стигна до овој рекорд само неколку дена откако на прес-конференцијата во Будимпешта, направи на некој начин преседан, откако се реши да ги тргне газираните пијалоци „Кока-Кола“ кои беа пред него, и да покаже дека треба да се пие вода, со што оваа компанија наводно доживеала загуба од 4 милијарди долари за само еден ден.
После Роналдо следува актерот и борач Двајн Џонсон со 246 милиони, па пејачката Аријана Гранде со 244 милиони. Лионел Меси, ривалот на Роналдо на теренот, е далеку зад него, односно Аргентинецот има 218 милиони следбеници.
