Бразилскиот фудбалски репрезентативец Филипе Кутињо ќе го пропушти претстојното Светско првенство во Катар поради повреда на тетивата, пренесуваат медиумите.
Кутињо се повредил на тренинг на Астон Вила, а според последните информации бразилскиот фудбалер го очекува пауза меѓу седум и десет седмици, поради што нема да игра на Светското првенство.
Кутињо сезонава одигра 13 натпревари за тимот до Бирмингем, каде на почетокот од годината дојде на позајмица од Барселона, а англискиот клуб во јуни го откупи неговиот договор за 20 милиони евра.
Бразилецот претходно настапуваше за Васко да Гама, Баерн Минхен, Барселона, Ливерпул, Еспањол и милански Интер.
Светското првенство првпат во историјата ќе се одржува од 20-ти ноември до 18-ти декември во Катар, а Бразил е во групата со Србија, Швајцарија и Камерун.
