Габичната инфекција (онихомикоза) на ноктите е чест здравствен проблем. Станува збор за болест во која габите предизвикуваат оштетување и распаѓање на ноктите. Вообичаено, болеста се појавува на страничните делови на ноктот, како и на слободниот раб и доведува до промена на бојата на ноктот, кој станува задебелен и пожолтува, па почнува да се одвојува од подлогата на ноктот. Постепено, габичната инфекција се шири и зафаќа сè поголем дел од ноктот. Во некои случаи, габичните инфекции на ноктите можат да бидат болни, особено при одење.
Дијагнозата на габични заболувања на ноктите се дефинира според изгледот на ноктот и е поедноставна од самиот третман, кој бара големо трпение. Без третман, состојбата веројатно ќе се влоши, а габата може да се прошири на други нокти, па дури и да се прошири на други луѓе.
Специјалистичката ординација по дерматовенерологија и естетска медицина, Скин Солушн, нуди ласерски третман на габични инфекции на нокт, што всушност е и најсовремениот пристап на терапија на оваа проблематика.
На едноставен и безбеден начин се уништуваат габичните инфекции, без притоа да се оштети ткивото на ноктот. Третманот се изведува со медицински ласер, а цената на третманот е 650 денари за нокт.
Габичната инфекција на ноктите се јавува како резултат на претходна инфекција на кожата. Најчеста дерматоза е „атлетско стапало“, инфекција на стапалото која се јавува кај околу 70% од возрасната популација. Габичните инфекции на кожата се важен здравствен проблем бидејќи ако се лекуваат лошо или не се излечат целосно, може да се шират и да предизвикаат габична инфекција на ноктите.
Најчести причини за габични заболувања на ноктите
Здравата и негувана кожа најмногу може да се бори со повеќето микроорганизми и има способност брзо да се регенерира.
Но, ако кожата не е здрава, ако се третира со разни средства, ако е нарушена нејзината физиолошка микрофлора, ризикот од развој на габични инфекции е многу поголем.
По 40-тата година, габичните инфекции на ноктите се почести бидејќи ноктите растат побавно и се помалку отпорни на инфекции.
Габичната болест на ноктите може да се појави како последица на: повреди на ноктите, носење синтетички чорапи, тесни чевли, одредени спортски активности како што се пливање, планинарење или трчање.
Влагата и топлината влијаат на габични заболувања, односно на сите ситуации во кои стапалата се склони кон потење, мокрење, како и повторени удари. Дополнително, некои луѓе се поподложни на габични инфекции, особено луѓето со дијабетес, проблеми со циркулацијата, но и луѓе кои носат заштитни чевли или чизми поради нивната професија.
