Израел ја најави победата уште во првиот сет, откако тргна фуриозно и поведе со осум поени разлика (18-10). Македонија до крајот на сетот не успеа да се врати во игра и загуби со 15-25.
Македонија имаше солиден старт на вториот сет и водство од 6-2, но Израел набрзо го сврте мечот во своја корист (12-8), по што се водеше голема битка во продолжение, а сетот им припадна на Израелците со 25-23.
Нашите одбојкари имаа водство и во третиот сет до 12-11, но потоа следеше пад во играта и Израел ја презема контролата. Македонија неколку пати намали на еден поен негатива, меѓутоа нашиот ривал славеше со 25-22.
Македонија претходно славеше со 3-2 против Израел на првиот тест, а потоа загуби од Јапонија со 2-3.
