Програмата ковакс беше одобрена вчера за набавка на околу 1,8 милијарди дози вакцини во 2021 година, што е за околу 500 милиони повеќе од планираното на крајот на минатата година, соопшти ГАВИ, организацијата задолжена за координација на планот.
Извршниот директор на ГАВИ, Сет Беркли, изјави дека ковакс се надева дека успешно ќе ги заврши преговорите за набавка на дополнителни 1,1 милиони дози на вакцина „Новавакс“.
Тој објасни дека има доцнење во испораката на одреден број вакцини од страна на „Фајзер“ поради дополнителни барања на производителите во врска со исплатата на надоместокот.
Советникот на Светската здравствена организација (СЗО) Брус Елвуд потврди дека планот за започнување на вакцинацијата во првите 100 дена од оваа година во сите земји кои учествуваат во програмата е сè уште валиден, доколку производителите се придржуваат до договорените рокови за испорака.
„Ројтерс“ додава дека ковакс објави дека ќе достави 237 милиони дози вакцина „АстраЗенека“ во 142 земји до крајот на мај.
Тие наведоа дека крајниот рок за прва испорака на вакцини произведени во Индија е февруари и март, а за вторите април и мај.
Според планот, БиХ треба да добие 108 000 вакцини, Србија треба да прими 295.200 вакцини, Македонија и Косово по 100.800, а Црна Гора 84.000 вакцини во периодот од март до мај.
Не е објавено колку од земјите во регионот треба да примат во првата, а колку во втората испорака. Индикативните рокови треба да бидат познати до крајот на неделава.
