Екипите на Манчестер Јунајтед и на Њукасл Јунајтед се пласираа во полуфиналето на англискиот Лига куп, по домашните победи над Чарлтон Атлетик и Лестер Сити.
Манчестер Јунајтед во четвртфиналето на својот „Олд Трафорд“ го совлада третолигашот Чарлтон Атлетик со 3:0. Првиот погодок го постигна Антони во 21 минута, а победата ја потврди Маркус Рашфорд со два погодока во завршницата, во 90 и во четвртата минута од судиското продолжение на натпреварот.
Њукасл Јунајтед, исто така, пред своите навивачи со 2:0 го совлада Лестер Сити. Стрелци во второто полувреме беа Дан Барн во 60 и Жоелинтон во 72 минута.
Во другите два четвртфинални дуели во среда ќе се соочат Нотингем Форест – Вулверхемптон и Саутемптон – Манчестер Сити.
