Илон Маск верува дека неговата компанија во иднина ќе произведува дури 20 милиони возила годишно.
Целта е електромобилот да чини колку и одговарачки модел со мотор со внатрешно согорување ако не и помалку.
Преведено во долари, Маск планира цената на најевтиниот Тесла автомобил да изнесува 25.000 долари.
За споредба, моментално најевтиниот Модел 3 чини нешто помалку од 38.000 долари.
Како резултат на поевтинувањето на автомобилите на електричен погон се очекува се помасовна продажба во светот. Маск вели дека сака Тесла во некој момент во иднината годишно да произведува дури 20 милиони возила на стрија, додека овогодинешната проектирана продукција е 500.000 Тесла автомобили.
Меѓутоа, првиот човек на тесла наведува дека неговата батерија се уште не е подготвена и дека е потребно да се работи на зголемување на капацитетот на самата батерија и намалувањето на трошоците, а потоа и организација на производство.
За се наведено, Маск на самиот себе си задал тригодишен рок, па не треба да се очекува масовно производство на Тесла погонски батерии пред 2022 година.
Кога станува збор за цената на батерија, според неговите збороци, клучно е таа да биде под 100 долари за 1 kWh.
Инаку, во склоп со мерките кои се спроведуваат заради коронавирусот, манифестацијата „Battery Day“ е одржана на отворено, на паркингот на компанијата, а публиката седела во паркирани Тесла автомобили и го слушала Илон Маск како говори од бината.
