Црногорската Државна изборна комисија во петокот ја потврди кандидатурата на инфлуенсерот Јован Јоџир Радуловиќ, па првпат на изборите во Црна Гора ќе учествува некој што стекнал популарност на социјалните мрежи.
Јован Радуловиќ стекна популарност во Црна Гора и регионот со скечевите кои ги објавува на Facebook и Instagram.
Радуловиќ успеа да ги собере осумте илјади потписи неопходни за претседателската кандидатура, кои ги достави во неделата неколку часа пред истекот на рокот за пријавување, но Државната изборна комисија му го врати материјалот на дополнување, за да се дополни списокот со потписи за поддршка. Oткако во предвидениот рок ја доставил дополнетата листа, неговата кандидатура била потврдена.
Во изборната трка за претседател на Црна Гора ќе учествуваат вкупно седум кандидати, а се смета дека во вториот круг ќе биде актуелниот претседател Мило Ѓукановиќ.
Претседателот на Црна Гора се избира со народно гласање со мандат од пет години. Ѓукановиќ беше премиер пет пати (1991-1998, 2003-2006, 2008-2010, 2012-2016), а беше и претседател на земјата од 1998 до 2002 година и беше избран за втор мандат во 2018 година. Неговиот вкупен мандат сега изнесува 32 години, со што Ѓукановиќ со евентуална победа на мартовските избори ќе се доближи до рекордот на престојување во самиот врв на власта на челникот Зимбабве Роберт Мугабе, кој ја водеше африканската земја 40 години. Во Европа, исто така, уште Ѓукановиќ за неколку години се одржува подолго на власта отколку белорускиот претседател Александр Лукашенко.
Според анкетите на јавното мислење, борбата за влез во вториот круг се води меѓу лидерот на „просрпскиот“ Демократски фронт, Андрије Мандиќ и Јаков Милатовиќ од Движењето Европа сега, растечка политичка партија основана од министри од претходната влада на премиерот Здравко Кривокапиќ и кој победи на локалните избори во Подгорица. Како момент кој би требало да му донесе предност на Милатовиќ е податокот дека во текот на мандатот на владата чиј член беше минималната плата во Црна Гора се зголеми од 220 на 450 евра.
Покрај нив, кандидати се и поранешниот претседател на црногорскиот парламент на граѓански ориентираната партија Демократска Црна Гора, Алекса Бечиќ, Драгиња Вуксановиќ од Социјалдемократската партија и Горан Даниловиќ од просрпско ориентирана Обединета Црна Гора.
Претседателските избори во Црна Гора ќе се одржат на 19-ти март, а вториот круг 14 дена подоцна.
Функцијата на претседателот на Црна Гора е посимболична бидејќи тој, според Уставот на земјата, ја претставува земјата во странство, добива акредитации, потпишува закони донесени од парламентот и е на чело на Советот за национална безбедност. Сепак, фигурата на претседателот е од големо значење во формирањето на кабинетот на министри и номинирањето на премиерот. Според Уставот на земјата, претседателот на Црна Гора не може да ја извршува оваа функција повеќе од два последователни мандати.
