е општествена поддршка ни е потребна. Потребна ни е поддршка од невладините, професорите, од младите, од пензионерите, од земјоделците, од невработените, од сето она кое што чувствува во себе дека има потенцијал и не го кажува последниот збор затоа што нас ни треба општествена мобилизација. Државата ни е на колена“, истакна претседателот на ВМРО-ДПМНЕ, Христијан Мицкоски во гостување во емисијата на МРТ.
Мицкоски додаде дека денеска во Македонија граѓаните чувствуваат тешко време, тежок живот практично живеат граѓаните. И поради тоа е потребен револуционерен скок односно револуција со знаење. Затоа се потребни и неопходни умните глави и ги охрабрува да дадат придонес.
„Зошто ова го зборувам? Еве ќе ви кажам, има целосна недисциплина кај вработените по институциите. Зошто? Затоа што гледаат дека нема правда, нема визија кај тие што ги менаџираат институциите, дали се тоа министри, дали се тоа директори. Вработените во тие институции се комплетно демотивирани и недисциплинирани“, нагласи Мицкоски.
Посочи дека вработените по институциите потребно е да се мотивираат.
