![Mickoski Gir](https://i0.wp.com/netpress.com.mk/wp-content/uploads/2024/06/27062024_SREDBA_MICKOSKI_GIR-3-960x641-1.jpg?resize=696%2C465&ssl=1)
Македонскиот премиер Христијан Мицкоски, оствари средба во четвртокот со амбасадорот на Европската унија во Скопје, Дејвид Гир и притоа беа разменети мислења и ставови за тековните политички и економски прашања, како и за напредокот на државата кон интеграцијата во Унијата.
Претседателот на Валдата, Мицкоски ја истакна важноста на поддршката од Европската унија за реформските процеси и стабилноста на земјата, констатирајќи дека Владата ќе продолжи да работи заедно со ЕУ во духот на партнерство и заеднички вредности.
Амбасадорот Гир ја потврди посветеноста на Европската унија за продолжување на одличната соработка со државата и изрази подготвеност за поддршка во клучните реформи и проекти што се предвидени во наредниот период.
Средбата заврши со согласност за натамошно зајакнување на билатералните односи и интензивирање на соработката во различни области од заеднички интерес.