Гласот за претседателската кандидатка Гордана Силјановска Давкова е глас за исправена Македонија, „со кичма“, со ордост и достоинство, порача во саботата вечерта од грандизониот митинг на ВМРО-ДПМНЕ во Скопје, опозицискиот лидер Христијан Мицкоски.
Време е народот да се испречи како ѕид пред нивното грабање напред за да ги освести и да видат кај се. Се заборавија од хотелите и луксузот кој го живеат, балови во странство, фрагови во Скопје, снегот во Маврово и стазите кои ги затвораат за обичните луѓе за да премиерот да може да вози, и сето ова додека народот гладува. Затоа на овие избори народот ќе ги потсети во која земја живеат и на кој народ му служат. Стево ниту еднаш ниту еднаш не се огради од Заев. Ни кога камионите на семејството вртат за државни фирми, ниту кога Заевци отвораат фирми во странство, ниту кога империјата на Вицето се шири искучиво со помошта на власта. Стево не се огради од Заев ниту кога овој тргуваше со достоинството, ниту кога ги покачуваше даноците. А знаете ли зошто? Затоа што се исти, паричка иста, лице и опачина се Зоран Заев и Пендаровски Стево, ова вечерва на централниот митинг пред Владата на Македонија го истакна претседателот на ВМРО-ДПМНЕ Христијан Мицкоски.
Сите вакви состојби во земјата може да се измента, посочи лидерот на ВМРО-ДПМНЕ, ако масовно се даде гласот за претседателската кандидатка Силјановска Давкова која ја има поддршката на опозициските партии.
Со гласот за Гордана ја одбирате Македонија, одбирате надеж и иднина. Гласот за Гордана е глас за правдата, правната држава. со гласот за гордана одбирате човек со кредибилитет, став и морал. Гласот за неа е глас за исправена Македонија, со кичма, гордост и достоинство. Со гласот за Гордана Силјановска избирате мајка на нацијата. гласате за вашата иднина, и ги казнувате оние кои сакаат да ви ја одземат. Со дадениот глас правите разлика меѓу доброто и лошото, меѓу принципи, и непринципиелност. Меѓу правдата и неправдата, меѓу Гордана и Стево. Не ветуваме чуда, но ветуваме праведност и правда за секој еден граѓанин во Македонија, потенцираше Мицкоски.
Мицкоски претходно посочи дека Македонија нема датум за преговори за членсто во Европската унија и веројатно нема ниту да има оваа година, поради неспособноста на актуелната Влада предводена од СДСМ.
„Ви велам дека не заборавам, не го заборавам ниту еден човек кој сега е во затвор неправедно осуден, кој е мета на прогон и неправда и нема да престанам да се борам се додека последната неправда не се исправи, се додека и последното одземено на било кој човек во нашава земја не му биде вратено. Не ги заборавам ниту децата чии родители сега гнијат по затворите додека терористите од Смилковско шетаат на слобода. Мора да има правда, правда за секого, безусловна, апсолутна, зошто само така ќе имаме држава за каква се бориме, мечтаеме и татковина каква што заслужуваме“, истакна претседателот на ВМРО-ДПМНЕ
Христијан Мицкоски потсети дека владејачката структура убедуваше дека се борела за влез во ЕУ и во НАТО, но и по две години на власт нема датум за почеток на преговорите сио Унијата.
„Оосвен по некој чочек за прослава, нема датум за преговори со Европската унија и веројатно и оваа година нема да добие препорака, а нема да добие не заради опозицијата и овој народ, туку поради неспособноста на Владата, не знаат да работат. Европа е стандарди, Европа е критериуми и вредности, каква што оваа влада нема. Од друга страна што би рекол народот направија од готово вересија, од нашите традиционални пријатели прават непријатели, па така срамежливо министерката за одбрана ќе рече можно е да се појави и кочница за членството за НАТО. Па нели блескаме, нели одиме напред. Какво напред какви бакрачи, полошо и потешко никогаш не било во Македонија. И додека тие викаат дека блескаме, секој од вас знае дека никогаш не било полошо во Економијата. Се фалат имале странски инвестиции, повеќе од 80 отсто се резултат на уплатена реинвестирана добивка која ја пријавија зошто владата ги покачи даноците. Значи најниска реална стапка на инвестиции. Излегоа се пофалија со наводни нови странски инвестиции, а сите се од минатата влада на ВМРО-ДПМНЕ. Значи дека две години ги преспаа, изгубија, две години потрошија, за да пљачкаат кои им ги овозможи овој народ“, потенцираше Мицкоски.
Потсети дека не само опозицијата, туку и Светска банка укажува дека земјата е на самото во цела Европа, според индексот со кој државата вложува во човечкиот капитал е на 88-мо место најдоле на табелата.
„Дури и африканските земји се добри кога е во прашање Македонија. Од 100 луѓе во државава според Светска Банка работат само 28, од кој половина во државна администрација. Нема ниту едно ветување кое го остварија, а ветуваа многу. И кога ќе го слушнам Заев како ни збори за демократија и правда тоа е како кога во Северна Кореја да слушате за човекови права и слобода. Какво време дојде тој да држи лекции за морал, за етика. Може да збори за се, но никој не му верува, бидејќи тој е истиот кој сите го видовме како беше амнестиран за Глобал, и како кај Мирчо свињарникот бараше по едно евро за црквата, едно евро за Вицето. И замислете сега како само ќе тргнеме напред користејќи го нивниот слоган, со молскавична брзина, и треба вистински да бидеме благодарни што не викаат на тој пат. А ако е од нив дури и да не поканат, фала не. А тие ако сакаат нека одат, но ние не сакаме по неговиот пат да тргаме. Бидејќи тоа е патот на криминалот, скршена кичма и предадена и продадена држава. Ние го избираме патот на правдата патот кој ќе го трасира професорката Силјановска. Патот на заштита на државата и нејзините интереси“, порача Мицкоски.
Лидерот на ВМРО-ДПМНЕ, Христијан Мицкоски на вечерашниот масовен митинг истакна дека во оваа кампања народот виде дека премиерот Зоран Заев и кандидатот на владејачките СДСМ и ДУИ; Стево Пендаровски се исти, празни политичари.
„Позитивното е што се виде дека и Заев и Пендаровски се празни политичари. И што би рекле самите тие навистина се повеќе од 102.5% исти. И тоа е вистинскиот проблем за Македонија. Затоа што Зоран Заев не е ниту Тито, како што го викаат неговите, или пак уште помалку некое божество за фалење. Тоа е Зоран Заев човекот кој се фалеше да не му ја гибаме жицата македонска, оти изгубен во времето ќе го барал семето, кој велеше дека ќе донел живот. А што направи? Го промени името, го промени идентитетот, се срами да рече дека има Македонци во соседна Грција, се срами да ја отпее химната на Македонија, да слушне дека Денес над Македонија се раѓа, дека Македонците се борат за своите правдини. Се срами од македонската гарда за да не го навредел неговиот нов пријател Ципрас, истакна Мицкоски.
Го цитираше Рацин кој велеше „за туѓи бели дворови копај си црни гробови“!
„И навистина е тешко да се гледа како понизно се пењави пред грчкиот колега, како слугата од Македонските народни приказни, за да не згреши нешто, зошто не сакал да му предизвика проблеми дома во Грција. Ама се коцка со моето и вашето достоинство. Не го донел тоа од дома. А овој народ, господине Заев, што е со нашиот народ. Што е и со умрените, постраданите за Македонија, сегашните и оние неродените кои доаѓаат. Што е и со Гоце Делчев кој те гледам го редиш по спотовите, или Блаже Конески кој велеше дека името ни е големо, сакаат да ни го земат. Бесрамно ги редиш во спотовите на Стево. Тие се бореа за Македонија. Нивниот лик е потсетник на твојот срам за делото со кое го нагрдуваш нивниот завет’, порача Мицкоски.
