Мицкоски: Образованието е основа на се, идната влада на ВМРО-ДПМНЕ ќе работи да биде квалитетно, конкурентно и компетитивно

Претседателот на ВМРО-ДПМНЕ, Христијан Мицкоски во неговото обраќање на трибината по повод Светскиот ден на учителот насловена „Учителот – некогаш, денес и утре“ истакна дека образованието ни е важно затоа што без образование нема економија, а без економија нема живот, а без живот нема народ и нема држава.

„Затоа е многу важно образованието кое е основа на се ова да биде конкурентно, компетитивно и тој трансфер на знаење кој доаѓа од учителите до учениците да биде современ за да можеме понатаму да конкурираме на пазарот на труд и да конкурираме во економијата и на други држави кои ни се конкуренција во делот на странски инвестиции“, потенцираше Мицкоски.
Истакна дека во идната влада економијата ќе биде врвен приоритет, но составен дел од економијата е тој кадар кој зборуваше, односно кадарот кој ќе добие квалитетно и конкурентно образование.

„Затоа очекувам да се поразговара поконкретно во образованието што е тоа што денеска констатирано дека може да биде подобрено. А ние како идна влада понатаму тоа да го коригираме, подобриме, надградиме или да имплементираме нешто автентично кое ние ќе го понудиме“, рече Мицкоски.

Нагласи дека ќе се добијат одговори на многу прашања и нема дилема и убеден е дека тие одговори ќе ги слушнеме.

„Дозволете ми да го честитам денот на учителот и да посакам многу полни училишни клупи со многу ученици кои понатаму ќе ја градат нашата Македонија бидејќи без нив ќе нема народ, а без народ нема ни држава“, изјави Мицкоски.

ПОВРЗАНИ НАПИСИПОВЕЌЕ ОД АВТОРОТ