Нашиот став многу пати сме го кажале и тој е непроменет, а тоа е дека очекуваме промена во составот на владата, односно 20 години присуство на ДУИ во владата е предолг период. Треба да се даде можност и прилика и на други, вели меѓу другото лидерот на ВМРО-ДПМНЕ, Христијан Мицкоски, во интервјуто за Алсат-М.
„Барем нашите анализи се такви. Мислам дека тие малкумина во раководството на ДУИ по следните парламентарни избори ќе бидат изненадени непријатно од резултатот и ценам дека бројот на пратеници на тој консолидиран блок кај Албанците во Македонија заедно со останатите етнички заедници може да состави бадентерово мнозинство во парламентот“, вели Мицкоски.
Во однос на избори, Мицкоски смета дека има три опции, првите две претседателски во март а парламентарни во јуни или, пак, едни заеднички, според најавите од Владата, но трета опција е брзи избори веќе оваа есен.
„Третата опција е да имаме избори оваа есен со тоа што ние како ВМРО-ДПМНЕ се согласуваме во измени во изборниот законик да практично биде избришан оној дел од техничката вада, да може оваа влада да ги подготви тие избори и да одиме на брзи парламентарни избори. Ценам дека оваа трета опција би била најдобра за иднината за граѓаните и иднината на Македонија“, вели Мицкоски.
