Во вклучувањето во вестита на телевизија Телма, претседателот на ВМРО-ДПМНЕ, Христијан Мицкоски истакна дека е задоволен што јавноста можее да чуе дека во нелегално снимените разговори објавени од него не постојат никакви инкриниминарчки дејства.
Тој посочи дека не криел оти остварил средба со инволвираните во аферата „Рекет“, потсетувајќи јавноста на неговата прес конференција од 2019-та година во која тој прецизно ја сподели со јавноста ваквата информација.
-Јас уште на прес конференција која ја одржав на 16-ти авугст 2019-тата на прашање на ваша колешка „Дали сум се среќавал со лицата кои се влкучени во аферата Рекет“, дадов одговор и тогаш бев многу прецизен каде што кажав дека на првоосомничениот лично му го честитав роденденот, од почит кон медиумите бидејќи нели тој беше поврзан со тој медиум, како сопственик, директор или не знам што. А да со останатите учесници во аферата „Рекет“ сум се сретнал и порано. Жалам што ова беше еден обид да се креира перцепција кај јавноста дека јас не сум ја говорел вистината бидејќи неделите потоа следеа прес конференции од страна на СДСМ. Следеше практично едно интервју кое што го имав за локален портал. Жалам што не е дадено воведното прашање каде што се дава една поинаква конотација за тоа што беше објавено. Но јас истовремено сум задоволен што јавноста можеше да чуе дека воопшто не постојат никакви инкриминирачки дејства за време на тој разговор со лицето кое што го споменавте. Инаку на негово барање преку една моја соработничка која што во тоа време е дел Унијата на жени на ВМРО-ДПМНЕ се случи тој состанок, вели Мицкоски.
