Со свој став за актуелната политичка ситуација излезе и колумнистот кој важи за близок до опозицијата Ивор Мицковски.
Тој по соопштението од меѓунаросната заедница дека условите за избори на 24-ти април не се исполнети на својот Фејсбук профил објави статус со следната содржина:
Је*ем ти држава во која странски фактор ти е опозиција, а опозиција дреме по кафани и чека друг да и одработи, напиша Мицковски.
Новинарот Васко Ефтов пак, смета дека кога во една држава опозицијата е слаба, тогаш политичка опозиција станува меѓународната заедница.
Тоа не е лошо. Во такви услови на 24 април, на 5 јуни или кога и да бидат изборите – вие како гласачи ќе гласате референдумски: Дали се согласувате со политиката на меѓународната заедница во однос на Македонија!? Како ќе гласате е ваше право. Во каква држава сакате да живеете е исто така ваше право. Но исто така е ваше право на избори да кажете што мислите за лошата или добрата политика на Груевски но и за лошата или добрата политика на амбасадорот Бејли како лидер на политичката опозиција: Меѓународната Заедница. Ова ќе биде еден фин политички вестерн. И да немате дилеми -Македонскиот народ секогаш знае да делува мудро, коментира Ефтов за политичката ситуација на социјалните мрежи.
