Mнозинството акционери, предводени од Душан и Владимир Пецовски во петокот на редовното Годишно собрание на акционери на „Реплек“ АД Скопје, изгласале недоверба на сите членови на Управниот и на Надзорниот одбор на компанијата.
Мнозинството било против одобрување на работата на двата одбори, поради незадоволство и нетранспарентно работење, дознава Фактор.
Согласно Член 363 и 384 од Законот за трговски друштва, со неодобрување на работата на одборите, сите членови вклучувајки ги и Иван Туџаров, односно претседателот на Управниот одбор (генералниот директор на „Реплек“ АД), како и претседателот на Надзорниот одбор се истовремено разрешени.
Сите активности, дејствија и овластувања се замрзнати се додека не се назначи нов Управен и Надзорен одбор, на продолжената седница на Годишното собрание на акционери во рок од 8 до 15 денови.
