Муричи во 68-та минута го реализираше пеналот со кој Мајорка победи и тоа првпат после мизерната серија од седум порази по ред, па со триумфот останаа над опасната зона во жешката битка за опстанокот, еден бод пред Кадиз.
За Атлетико ова беше првиот пораз по шест победи по ред и шампионот остана на 57 бода на четвртото место кое води во ЛШ, само бод повеќе од петтиот Бетис, но очигледно е дека четата на Диего Симеоне после поразот од Манчестер сити во првото четвртфинале во ЛШ, сѐ уште со мислите е во таа пресметка, а реваншот е веќе во среда на домашен терен.
