Дванаесет лица загинаа во експлозија во вторник наутро во фабрика за муниција во северозападна Турција, изјави претседателот Реџеп Тајип Ердоган.
Тој на X објави дека истрагата за инцидентот во провинцијата Баликесир веќе е во тек.
Министерот за внатрешни работи Али Јерликаја на Х напиша дека четири лица се повредени.
„Тринаест наши граѓани станаа жртви на експлозијата во институтите во областа Кареши. Истрагата за инцидентот започна“, рече Ерликаја кој подоцна ја коригираше бројката загинати на дванаесет.
Според државната телевизија TRT, гувернерот на Баликешир, Вали Исмаил Устаоглу, рече дека експлозијата била предизвикана од механички проблеми. Тој ја отфрли можноста за саботажа во фабриката ZSR.
ТRT прикажа снимка од тешко оштетената зграда. Државната новинска агенција Anadolu објави дека дел од фабриката се урнал.
Според медиумите, погодена е турската компанија ZSR која произведува муниција и експлозиви. ZSR, исто така, произведува различни видови експлозиви за цивилна употреба, како и муниција за воено и трауматско оружје.
