Џони Деп потврди дека нема да се врати во Пиратите од Карибите.
Неговиот портпарол ги демантираше гласините дека актерот ќе се врати во улогата на Џек Спероу и изјави дека гласините за враќањето на Деп во франшизата се измислени.
Некои американски медиуми тврдат дека на актерот му биле понудени околу 301 милион долари за враќање. Се чинело дека ова беше референца за момент во судењето на Деп за клевета со поранешната сопруга Амбер Херд, кога тој рече дека нема да се врати дури и ако му понудат 300 милиони долари и милион алпаки. Во секој случај, таква сума би била крајно нереална со оглед на тоа што би била поголема од вкупниот буџет за снимање.
Деп последен пат го играше Џек Спероу во 2017 година.
Како што се наведува, се подготвуваат уште два филма, но актерот нема да биде во ниту еден од нив. Прво е планиран шестиот дел, иако не е јасно во кој правец ќе оди приказната без Деп. Холивуд репортер уште во 2020 година објави дека треба да има и спин-оф филм со Маргот Роби во главната улога.
Има онлајн петиција објавена од обожавателите кои сакаат негово враќање во Пиратите, која достигна повеќе од 875.000 потписи. Деп беше исфрлен од Пиратите од Карибите откако Амбер Херд го обвини во 2018 година за физичка и сексуална злоупотреба.
