Највисоката температура на земјата, измерена во неделата во Националениот парк „Долина на смртта„ во Калифорнија изнесува 130 Фаренхајтови степени или 54,4 Целзиусови.
Температурата е потврдена и од американскиот Национален метеоролошки институт, пренесува „Би-Би-Си“.
Минатата недела западниот брег во САД го зафати топлотен бран со пеколни температури, кои неделава се очекува и да растат.
Ваквиот пораст на температурите доведе до дводневни прекини во електродистрибутивната мрежа во Калифорнија.
