Со ограничувањата поради коронавирусот минатите години, бројот на официјално регистрирани проститутки во Германија се искачи на 28.280 во 2022 година, што е зголемување за 19 отсто во споредба со претходната , објави Федералниот завод за статистика.
„Причината за тоа зголемување е веројатно целосното укинување на какви било ограничувања поврзани со коронавирусот во април 2022 година“, се вели во соопштението.
Според бројките за 2019 година, регистрирани пред коронавирусот да предизвика широко распространети затворања, 40.370 луѓе биле регистрирани како сексуални работници. Според германскиот Закон за заштита на проститутките од 2017 година, проститутките мора да бидат регистрирани, иако илегалните активности сè уште постојат.
Последните податоци покажуваат „значителен пораст на бројот на проститутки од Украина“, соопшти германската канцеларија, истакнувајќи дека во 2022 година биле регистрирани 470 украински проститутки во споредба со 180 во 2021 година, што е зголемување за 161 отсто.
Минатата година имало 5.200 сексуални работнички со германско државјанство или 18 отсто од вкупниот број. Најчести странски државјанки меѓу нив се Романките, кои сочинуваат 35 проценти, потоа Бугарките – 11 проценти – и Шпанките – 6 проценти.
Федералното биро за статистика, исто така, објави дека минатата година се зголемил и бројот на установи за проституција, како што се борделите, при што 2.310 такви установи имаат лиценца во споредба со 2.290 установи во 2021 година. Нерегистрираните занаети и проститутките не се вклучени во статистиката, велат од Заводот.
