Скопје се гуши. Македонија тоне во смог. Зоран Заев наместо за здравјето на граѓаните се грижи за профитот на олигархијата која согорува кокс со 18% сулфур и обоен текстил во нивните фабрики. Нивото на загаденост на воздухот со канцерогените ПМ10 честички е и до 15 пати над дозволеното, се вели во соопштението на ВМРО-ДПМНЕ.
„Скопје, Битола, Струмица, Куманово, Тетово и Кавадарци тонат во загаден воздух, а граѓаните ги полнат болниците. Со цел превентивна заштита на граѓаните. Потребна е итна имплементација на следните три мерки: бесплатен јавен превоз во автобусите на ЈСП додека загадувањето не се намали и состојбата со загадениот воздух нормализира; инспекциски надзор и затворање на погоните кои загадуваат и ослободување од работа на луѓе над 60 години, хронично болни и трудници.
Овие мерки Зоран Заев и Петре Шилегов веднаш да ги прифатат. Неспособноста нивна и игнорантскиот однос не донесе до тука. Потребно е итно делување. Суштински мерки и проекти за справување со загадувањето ќе има по 12 април, кога владата на ВМРО-ДПМНЕ ќе се зафати со систематско решавање на проблемот со загадувањето“, соопшти ВМРО-ДПМНЕ.