Ракометарите на Нант, еден од трите француски претставници на финалниот турнир во Лигата на шампионите во Келн, успеја во саботата да го поразат со 32:28 најскапиот ракометен колектив на планетата Пари Сен Жермен и како аутсајдер стана првиот финалист во Лигата на шампионите, а Кирил Лазаров влезе во историјата како најефикасниот играч на финалните турнери.
Тимот со најмногу ѕвезди, како што се браќата Карабатиќ, Сагосен, Омејер, Хансен, Генсхајмер и многу многу други, сепак, беше надигран од Нант, кого инаку го совлада во домашното првенство.
Освен почетното водство на ПСЖ од 3:1, во текот на целиот меч подобар и поконретен беше Нант, кој на полувремето замина со предност од три разлика (17:14), а во еден наврат имаше и пет голови предност.
Во второто полувреме, и покрај тоа што ПСЖ во еден момент на финишот се доближи на гол разлика, но сепак, по несфатливите грешки на прекалените и трофејни играчи на „светците“, Нант го приведе сигурно дуелот до конечните 32:28.
Најдобар стрелец во тимот на Нант беше капитенот на македонскиота репрезентација Кирил Лазаров, кој заедно со пикерот Турна имаа по осум голови, а најзаслужен за победата беше голманот Сирил Думулан.
Лазаров постигна седум голови од осум седмерци, а од три шута од игра еднаш беше блокиран а уште еден негов шут заврши во пречката, и со тоа стана најдобриот стрелец во историјата на Ф-4 турнирите.
