Околу 24.000 луѓе се наоѓаат на улиците на Атина.
Грчката полиција денес употребила солзавец за да ги растера демонстрантите кои се противат на мерките за штедење, а кои фрлале молотови коктели во центарот на Атина. Молотов коктел бил фрлен и на Националната банка на Грција.
Во Грција нема да има летови на домашни линии, бродовите не пловат, а јавните служби ќе бидат затворени. Во болниците ќе работат само итните служби, а некои државни училишта ќе бидат затворени, бидејќи наставниците и учениците, докторите, новинарите и вработените во сообраќајните служби се приклучиле кон првиот голем штрајк оваа година.
Во другиот најголем град, Солун, демонстрантите ги заземале улиците и им си приклучиле на своите сонародници во генералниот штрајк.
Во Атина се слушнала експлозија која одекнала во градот, откако демонстрантите фрлиле бомба со бензин кон полицијата на плоштадот Синтагма. Полицијата користела солзавец на насобраните луѓе.
Протестот се одржува во моментот кога Европската Комисија, Европската централна банка, ММФ и Европскиот фонд за стабилизација, вршат ревизија на реформите на кои се обврзала Грција.
