Навивачите го сардисаа Гризман

Францускиот фудбалер Антоан Гризман требаше да биде големата ѕвезда на Барселона која ќе донесе дополнителен квалитет откако дојде за 120 милиони евра од Атлетико Мадрид, ама навивачите не се изнагледаа премногу од неговите игри, па откако си замина Лионел Меси, сѐ почесто е на пик од „напади“ од каталонските навивачи.

Додека сѐ уште постоеа шанси Меси да остане, Барселона се обидуваше и да го откачи Гризман за да го ослободи буџетот, но Французинот остана, а Аргентинецот замина, па меѓу тие што сега се посочени како непријатели е токму тој, зашто (ин)директно придонел првата ѕвезда да мора да си оди.

Гризман на старт на сезоната повторно не блеска нешто премногу и тоа повторно ги разгневува навивачите за повторно да го „нападнат“.

„Кловну, разбуди се! Разбуди се Гризман“, му викаа навивачите додека Гризман доаѓаше на тренинг.

ПОВРЗАНИ НАПИСИПОВЕЌЕ ОД АВТОРОТ