Кошаркарите на Детроит Пистонс на домашен терен ја прекинаа рекордната серија од 28 порази, победувајќи ги тесно Торонто Репторс со 129:127 ноќта кон неделата.
Пистонс ја прекинаа ужасната серија од 28 порази, најдолгата низа порази во една сезона во историјата на НБА. Детроит го дели неславниот рекорд со Филаделфија 76.ерс, но тие загубија 28 натпревари со ред од март до ноември 2015 година, во две натпреварувачки сезони, а со победата против Торонто, Пистонс спречија да станат и апсолутен негативен рекордер.
Кејд Канингем постигна 30 поени и имаше 12 асистенции, Џејлен Дуран имаше 18 поени и 17 скока, Бојан Богдановиќ имаше 19 поени, 7 скока и 3 асистенции, додека а Кевин Нокс II додаде 17 поени, за Пистонс кои избегнаа два последователни месеца без победа.
Паскал Сијакам ги предводеше Торонто Репторс со 35 поени, Денис Шродер имаше 30 поени и девет асистенции, а Гери Трент Џуниор 24 поени. Скоти Барнс додаде 22 поени и девет скока.
Далас Маверикс победија со 132-122 кај Голден Стејт Вориорс, а Лука Дончиќ во дуелот над Стивен Кари. Дончиќ постигна 39 поени, 14 повеќе од Кари во нивното прво соочување оваа сезона, помагајќи им на Маверикс да ја прекинат серијата од два пораза, додека ја продолжи серијата порази на Голден Стејт на три. Данте Ексум постигна 19 поени, а Џош Грин имаше 18 за Маверикс. Вориорс добија 24 поени од Крис Пол.
Тимбервулфс ги победија Лејкерс со 108:106 во дербито на Западот, а Ентони Едвардс за 38 минути постигна 31 поен. Никеил Александер-Вокер имаше 21 поен од клупата за Минесота, која ја освои четвртата во пет натпревари. Мајк Конли додаде 15 поени и седум асистенции, а Руди Гоберт 13 поени и 13 скока. Ентони Дејвис ги предводеше Лејкерс со 33 поени, 17 скока и осум асистенции. Леброн Џејмс заврши со 26 поени со шут 10 од 21 на неговиот 39-ти роденден.
Тајрис Халибартон стана првиот играч во последните 33 години кој во два последователни натпревара остварил најмалку 20 поени и 20 асистенции кога ги предводеше Индијана Пејсерс до победата над Њујорк Никс во Индијанаполис. Халибартон, кој имаше 21 поен и 20 асистенции во четвртокот во 120:104 победата против Чикаго Булс, синоќа заврши со 22 поени и 23 асистенции. Тој е третиот играч во историјата на НБА лигата кој забележал најмалку 20 поени и 20 асистенции во меѓусебни во два натпревара едно-по-друго, приклучувајќи им се на Меџик Џонсон (18-19 декември 1984 година) и Џон Стоктон (1-3 март 1990) во Куќата на славните. Донте ДиВинченцо синоќа постигна рекордни во кариерата 38 поени за Никс.
