Бостон Селтикс ги совладаа Филаделфија 76ерс со 118:110 на гости, и тоа откако надоместија негатива од 26 поени во второто полувреме. Џејсон Тејтум постигна 35 поени и 11 асистенции за победата на Бостон, Џејлен Браун имаше 21 поен, 10 скока и шест асистенции, додека Кристапс Порзингис забележа 18 поени, седум скока и пет блокади.
Бостон ја надигра Филаделфија со 54:20 во последните 14 минути и ја презеде контролата врз натпреварот во кој Филаделфија првично доминираше. Селтикс реализираа 21 „тројка“, од кои 14 од 22 обиди во вториот дел. Тајрис Макси ги предводеше Сиксерс со 34 поени, додека Гершон Јабуселе постигна 21 поен против својот поранешен тим.
Далас Маверикс, ден откако објавија дека го размениле Лука Дончиќ за Ентони Дејвис, претрпеа тежок пораз на гостински терен од првиот тим во лигата Кливленд Кавалирс, кој ги совлада со 144:101. Кливленд до победата го предводеше Сем Мерил со 27 поени од кои девет „тројки“, а најдобар стрелец кај Далас со 21 поен беше Џејден Харди.
Детроит Пистонс на домашен терен ги надиграа Чикаго Булс со 127:119, а Кејд Канингем ги предводеше седумте играчи на Детроит со двоцифрен ефект со 22 поени и 15 асистенции. Џејлен Дурен за Детроит постигна 21 поен, 13 скока и четири асистенции, додека Малик Бисли постигна 19 поени, пет асистенции и три украдени топки. Коби Вајт ги предводеше Булс со 22 поени. Никола Вучевиќ забележа „трипл-дабл“ со 20 поени, 11 скока и 10 асистенции, додека Џош Гиди имаше 20 поени и 10 скока.
Мемфис Гризлис на гости ги совладаа Милвоки Бакс со 132:119, што е нивни четврти пораз во последните пет натпревари. Џерен Џексон Џуниор погоди седум „тројки“ и постигна 37 поени, а Дезмонд Бејн додаде 22 за Мемфис, кој седми последователен пат го совлада Милвоки. Санти Алдама додаде 23 поени и осум скока, додека Џа Морант (рамо) го пропушти вториот последователен натпревар за Мемфис. Јанис Адетекумбо го предводеше Милвоки со 30 поени, 11 скока и седум асистенции. Крис Мидлтон додаде 20 од клупата за Бакс.
Лос Анџелес Клиперс синоќа доживеа пораз на гостински терен, беа совладани со 108:115од домашните Торонто Репторс. Џејмс Харден беше најдобар стрелец кај Клиперс со 25 поени, Ивица Зубац постигна 18 поени со осум скока, додека поранешниот играч на Раптор Кави Ленард постигна 14.
РЕЗУЛТАТИ
Детроит Пистонс – Чикаго Булс 127:119
Кливленд Кавалирс – Далас Маверикс 144:101
Торонто Репторс – ЛА Клиперс 115:108
Филаделфија 76ерс – Бостон Селтикс 110:118
Милвоки Бакс – Мемфис Гризлис 119:132
ТАБЕЛИ
Источна конференција
Кливленд Кавалирс 40 9 81,6
Бостон Селтикс 35 15 70.0
Њујорк Никс 32 17 65,3
Индијана Пејсерс 27 20 57,4
Милвоки Бакс 26 21 55,3
Мајами Хит 24 23 51.1
Детроит Пистонс 25 24 51,0
Орландо Меџик 24 26 48,0
Атланта Хокс 22 27 44,9
Чикаго Булс 21 29 42,0
Филаделфија 76ерс 19 29 39,6
Торонто Репторс 16 33 32,7
Бруклин Нетс 16 33 32,7
Шарлот Хорнетс 12 34 26.1
Вашингтон Визардс 7 41 14.6
Западна конференција
Оклахома Сити Тандер 38 9 80,9
Мемфис Гризлис 33 16 67,3
Хјустон Рокетс 32 16 66,7
Денвер Нагетс 30 19 61.2
Лос Анџелес Лејкерс 28 19 59,6
ЛА Клиперс 28 21 57.1
Минесота Тимбервулфс 27 22 55.1
Феникс Санс 25 23 52.1
Далас Маверикс 26 24 52,0
Сакраменто Кингс 24 24 50.0
Голден Стејт Вориорс 24 24 50.0
Сан Антонио Спарс 21 25 45,7
Портланд Трејл Блејзерс 20 29 40,8
Њу Орлеанс Пеликанс 12 37 24,5
Јута Џез 11 36 23.4
