Во четвртиот натпревар од серијата за титулата во НБА лигата, Милвоки Бакс ја забележаа втората последователна победа на свој терен, совладувајќи ги во возбудлив дуел Феникс Санс со 109:103, па сега финалната серија која се игра во четири победи се израни на 2-2.
Во израмнетиот натпревар Феникс во поголемиот дел од натпреварот беше во вдоство и на почетокот од последната четвртина имаше девет поени предност. Но ниеден од тимовите во текот на средбата немаше двоцифрена предност.
На две минути и 52 секунди до крајот при израмнување 97:97, во серија влезе Крис Мидлтон кој во овој период постигна 10 поени, а мечот го заврши со 40 коша. Јанис Адетонкумпо впиша 26 поени, 14 скокови и 8 асистенции. Брук Лопез додаде 14, а Џру Холидеј 13 поени за Милвоки.
Кај Феникс Санс брилјираше Девин Букер со 42 коша, додеа Џеј Кроудер впиша 15 поени, 8 скокови и 3 блокади. Центарот Деандре Ејтон постигна само 6 коша, но оствари 17 скокови, оека потвфрли Крис Пол, кој постигна само 10 поени со лош шут од 5 од 13 и дури пет загубени топки.
Следниот натпревар ќе се игра во Феникс во недела во 3 часот по македонско време.
Милвоки својата единствена титула ја освои во 1971 година, а последното финале го играа во 1974 година. Беше тоа во периодот кога за Бакс играа големите ѕвезди на НБА Лигата, Карим Абдиул Џабар и Оскар Робертсон.
За Санс, пак, ова е трето финале во НБА лигата по 1973, 1993 и 2021. Во последното во 1993-та ги предводеше Чарлс Баркли кој во таа сезона беше и најкорисниот играч., но финалето загиубија со 2-4 во поебдите од Чикаго Булс предводени од Мајкл Џордан.
