Во духот на 16-те дена активизам за борба против семејното насилство Унијата на жени на Општинскиот Комитет на ВМРО-ДПМНЕ Ѓорче Петров, спроведува акција со која што сака да ја подигне свеста на Ѓорчепетровци, како и да ги потврди своите силни заложби против оваа немила појава, рече на денешната прес-конференција, Ленче Неловска од ВМРО-ДПМНЕ.
-Ќе го обоиме Ѓорче Петров во портокалова боја, која треба да биде мотив и поттик за правата на жените и нивната борба за еднаквост во општеството. Унијата на жени на ОК на ВМРО-ДПМНЕ Ѓорче Петров со сите свои капацитети и сили и во иднина ќе продолжи да се бори против овој голем општествен проблем. Воедно сакаме да ја искористиме приликата остро да го осудиме актот на насилство за кој што читавме во медиумите дека го извршил пратеникот Костадин Ацевски од редовите на СДСМ Ѓорче Петров врз својата сопруга. Сакаме да ги прашаме Заев и Спасовски дали имаат намера да спроведат фер истрага за пријавеното семејно насилство ? Дали Костадин Ацевски ја злоупотребува својата позиција како пратеник и блискоста до министерот за внатрешни работи Оливер Спасовски, за да се прикријат одделни детали од истрагата ? Зошто Костадин Ацевски ако е толку уверен во својата невиност не си поднесе оставка од функцијата како пратеник, за да не може со својата политичка и општествена позиција да делува на истрагата? Праша Неловска.
Предупредуваме, да се води истрага согласно законските прописи во Република Македонија, и виновникот да биде изведен пред лицето на правдата и санкциониран, бидејќи со промената на власта и враќањето на правната држава во Република Македонија, истиот случај детално ќе биде ревидиран и истражен, а сторителите најстрого казнети како и сите помагатели и прикривачи над кривично дело, додава таа.
