Грејната сезона не започнала со сета силина, а Македонија веќе се гуши во смог, истакнува портпаролот на ВМРО-ДПМНЕ, додавајќи дека Скопје, Тетово, Куманово, Струмица, и дека нема град и регион во Македонија кој што го нема овој проблем. Потенцира дека денеска најзагадено е Скопје, а вчера тоа беше Тетово, пред тоа, Куманово.
„Струмица се давеше додека Заев синоќа се пењавеше дека е на пат до „живот“, рече Стоилковски!
Според стоилковски, лагите на оваа власт ги плаќаме со здравјето. Ветувањата дека Македонија ќе преземе чекори против загадувачите и мерки за подобрување на квалитетот на амбиенталниот воздух. Иако сме на чекор до избори, мандатот и минал во лаги и уништување на еко-протестите на кои токму власта се појавуваше со гас маски!
„Заев ветуваше гасификација, по теркот на Струмица и Куманово, а и годинава тие два града предничат во загаденост. Заев ветуваше здравје, а државните болници се најголемите загадувачи во Куманово и Струмица. Минатата грејна сезона Венко Филипче вети гасификација на најголемиот загадувач во Куманово, болницата, но и на болницата во Струмица и на гинекологија во Чаир, но тие и годинава наместо да лечат, дават преку оџаците бидејќи се на мазут“, нагласи портпаролот на ВМРО-ДПМНЕ, потсетувајќи дека неговата партија во екот на еколошкиот аларм лани предочи сет од 20-тина мерки меѓу кои и онаа за гасификација на болницата во Куманово, на која и се потребни околу 200.000 евра од државниот буџет.
Стоилковски со жалење костатира дека ништо од тоа не е прифатено и преземено. Наместо гасификација на загадувачите, сега власта преку Министерството за економија влегува во предизборен популизам со распределба на 250.000 евра за субвенционирање на неполни 900 плински уреди за автомобили. Според статистиката за регистрирани возила во 2018 година во Македонија има над 415.000 патнички автомобили, од нив 150.000 се во Скопје. Ваквата мерка на министерството за економија и на власта, оценува тој, за жал, нема да го реши проблемот, а ефектот ќе биде минорен. За истите пари, можел да се реши проблемот за кумановската болница и со тоа да се реши најголемиот загадувач во општината со над 100.000 жители.
„Ниту знаат, ниту сакаат да знаат како да се решат проблемите. Единствено се грижат за опстанок на власт на изборите во април. Наместо на вистински мерки и грижа за граѓаните, посветени се на популизам.
Времето за Обнова на Македонија е блиску, за жал по уште една смртоносна грејна сезона со СДСМ на власт“, порача Стоилковски.
