Непрофитната организација Фондации Отворено општество управувана од милијардерот филантроп Џорџ Сорос отпушта голем дел од својот персонал како дел од реорганизација.
Процесот вклучува „значително намалување на бројот на вработени за не помалку од 40% на глобално ниво“, изјави портпаролот за американските новински агенции. Добротворната организација вработила повеќе од 500 луѓе до крајот на 2021 година, според Блумберг.
Во петокот, одборот на директори на непрофитната организација објави изјава, во која најави „значителни промени“ во оперативниот модел „со намера да го максимизираат влијанието на Отворено општество во помагањето да се спротивстави на силите кои моментално им се закануваат на отворените и слободни општества“.
Сорос (92) е во процес на предавање на контролата над својата империја вредна 25 милијарди долари на својот 37-годишен син Александар.
Сорос, кој го направи своето богатство во финансии и управување со хеџ-фондови, се залагаше за различни либерални и прогресивни цели дома и во странство, што често предизвикуваше критики од конзервативците.
Земјите како Русија и Унгарија го обвинија Сорос за мешање во нивните внатрешни работи.