На меил адреси на шест училишта во Скопје денеска е упатена закана за поставена бомба, информираат од МВР. Меил со нова дојава за поставена бомба добила денеска и скопската гимназијата „Никола Карев“. На учениците им било кажано да си заминат од училиштето, а на родителите им била испратена порака од класните раководители дека децата се испратени дома.
-Денеска (02.11.2022) во СВР Скопје околу 14.30 часот е пријавено дека на меил адреси на шест училишта во Скопје е упатена закана за поставена бомба. Веднаш по добиената пријава, од полициски службеници се преземени мерки за безбедно евакуирање на училиштата. Во тек се антитерористички проверки и се преземаат мерки за расчистување на случајот, информираат од МВР.
