Во текот на првиот ден од официјалната посета на министерот задоПремести во канталжен за дијаспора Едмонд Адеми на Романија, придружуван од директорот на Агенцијата за иселеништво, Никола Шалварниов, оствари средби со Маријана Венера Попеску, пратеник на македонската заедница во романскиот парламент, и со министерот за култура и национален идентитет на Романија, Валер Даниел Бреаз, соопштија од министерството.
Попеску притоа го информирала министерот Адеми за нејзините активности во застапување на интересите на македонската заедница во Романија, како и за нејзините следни активности во пресрет на романското претседателство со Советот на Европската унија.
Адеми и’ се заблагодарил на пратеничката Попеску за нејзиниот ангажман и придонес во донесувањето на законот со кој 8 декември – денот на Свети Климент Охридски е прогласен за ден на македонскиот јазик во Романија, со што дополнително се зајакнуваат односите помеѓу двете традиционално пријателски земји.
Адеми, на средбата ја реактуелизираше иницијативата за поставување на споменик во Букурешт на големиот македонски уметник Никола Мартиноски, кој студирал и дипломирал во Букурешката Академија на Уметности во 1927 година. Двете страни посакуваат и се надеваат дека овој проект ќе се реализира во текот на 2019 година.
Министерот Адеми, меѓудругото, на министерот Даниел Бреас и Романската Влада им посака успешно претседавање со советот на ЕУ, почнувајќи од 1 јануари 2019 година, и истакна надеж дека под нивно претседателство, Република Македонија во јуни 2019 ќе започне со преговорите за членство во Европската Унија.