Триесет и тригодишен охриѓанец со тешки изгореници ноќта во саботата е пренесен во болница, откако неговиот автомобил се запалил во движење, известува во неделата министерството за надворешни работи.
Инцидентот се случил синоќа околу 22,30 часот на регионалниот пат Охрид – Свети Наум, додека 33-годишниот Ц.К. од Охрид управувал патничко моторно возило „пежо“ со охридски регистарски ознаки, а возилото се запалило во движење.
Возачот изгубил контрола над него и излетал од патот. Во незгодата со тешки телесни повреди, односно изгореници, се здобил возачот, кој е пренесен во Општа болница Охрид.
