Охриѓани вознемирени, ги пресметуваат штетите од потресите (ФОТО и ВИДЕО)

Земјотрес со магнитуда од 5 степени според Рихтеровата скала е регистриран во 13 часот и 18 минути во охридското епицентрално подрачје.

Според Европскиот сеизмички центар, земјотресот бил со епицентар на 5 километри северозападно од Ресен, на длабочина од 2 километра. Почувствуван е во Охрид, Струга, но и во Скопје.

Од 18 јуни до денеска во охридското епицентрално подрачје се регистрирани над 800 земјотреси. Повеќето биле слаби, со Рихтерова магнитуда од еден и два степена.

Ноќта кон понеделникот во 3,45 часот и 45 минути е регистриран уште еден потрес со јачина од 3,7 степени според Рихтер.

Два земјотреса беа почувствувани и рано изутрината во охридското епицентрално подрачје.

Сеизмолошката опсерваторија при Природно-математичкиот факултет во Скопје, соопшти дека епицентрите на овие земјотреси биле на 10 километри источно од Охрид. Првиот е регистриран во 3 часот и 9 минути со Рихтерова магнитуда 2,8 а беше почувствуван во Охрид, Ресен и околината со интензитет од III-IV степени според Европската макросеизмичка скала. Вториот се случи во 3 часот и 54 минути со Рихтерова магнитуда 3,7 и интензитет од V степени според Европската макросеизмичка скала.

Видео: Охридпрес

https://www.youtube.com/watch?v=Ol8k758TLfA

 

 

 

 

 

 

1zemjotres-640x853

 

2zemjotres-640x853