Европската унија се постави „малку негативно” кон шансите за постигнување договор за Брегзит, но тој е уште „можен”, рече британскиот премиер Борис Џонсон.
ЕУ претходно го одби барањето на Џонсон за повторно отворање на договорот за Брегзит, изјавувајќи дека Велика Британија не предложила ниту една реална алтернатива за „бекстоп”, договорено со решението за ирската граница.
-Во моментов е апсолутно точно дека нашите пријатели и партнери се малку негативни…но мислам дека ќе постигнеме договор. Јас мислам дека сега е разумно нешто да се стори со бекстоп, рече Џонсон пред новинарите, пренесоа британските медиуми.
Џонсон мисли дека сега постои голема шанса, во текот на курсот на преговори за спогодбата за слободна трговија, што ќе се случи по 31 октомври, да се раздвижат сите начини на кои трговијата може да се одржува без проблеми на границата со Северна Ирска.
