Челниците на Фиорентина веќе ја започнаа потрагата по нов напаѓач кој ќе има обврска да го замени тешко повредениот репрезентативец на Италија, Џузепе Роси.
Последно име кое е запишано во спискот со напаѓачи кои важат за идеална замена за Роси е тоа на најскапата аквизиција во клупската историја на англискиот премиерлигаш Саутемптон, Даниел Пабло Освалдо.
Искусниот напаѓач изминатото лето беше купен за 15 мил. евра од Рома, но до сега ги нема оправдано големите очекувања.
Доколку Фиорентина ја понуди истата парична сума која Саутемптон ја одвои пред неколку месеци, тогаш Освалдо сигурно ќе се пресели во Фиренца за време на зимскиот преоден рок.
