Свештеници на Македонската православна црква – Охридска патријарпија, предводени од владиката Јосиф во неделата го извршија чинот на осветување на новоизградениот православен храм посветен на светицата света Екатерина.
Ова е четврта и најнова црква во селото.
Изградбата беше започната во 2013 година, кога на 19-ти мај истата година бил осветен камен-темелникот од страна на тогашниот митрополит Полошко-кумановски Кирил, соопштија од тетовско-гостиварската епархија. Новата црква се наоѓа над самото село, на ридот Чука спроти Стенчевската тврдина.
На осветувањето присуствуваше и лидерот на ВМРО-ДПМНЕ, Христијан Мицкоски.
„Денеска заедно со граѓаните во населеното место Стенче во општина Брвеница, на осветување на православниот храм света великомаченица Екатерина“, напиша лидерот на ВМРО-ДПМНЕ Христијан Мицкоски на фејсбук.
