Доктор Никола Пановски во вечерашното гостување на телевизија Телма говорејќи за високата стапка на смртност како последница од ковид 19 во Македонија го наведе и препишувањето двојни дози на сумамед од страна на матичните лекари.
– Сите починати до декември беа претходно подготвени или самите или од матичните лекари со намален имун одговор да влезат во болница и да бидат плен на болнички бактерии. Бидејќи сите до еден, со ретки исклучоци, примаа двојни токсични дози на антибиотиците азитромицин (сумамед) без никаква логика. И за тоа никој не ги казни. Освен мене никој не ги опомена. Препишани се 10 пати повеќе дози од овој антибиотик во септември отоколку што имаше позитивни. И тоа така пројде. Фондот, кога му кажавме за тоа хистерично препишување, бројките се намалија – рече Пановски.
Тој вели дека „Ние ја препишуваме западната медицина, која во пандемијата потфрли катастрофално и за тоа треба да се види зошто.
– Занзибар досега има три позитивни случаи и нема починати, а Танзанија има 509 случаи и 21 починат. Бројките се тие, колку тие и да ги кријат. Кога ќе ги соберете С. Америка, цела Европа и Јужна Америка имаат 14 пати поголема смртност – посочи микробиологот Пановски.
