Владата донесе препорака за менување на методологијата за усогласување на цените на дериватите според која цените ќе се менуваат на дневна основа и на тој начин да се избегнат големите промени на цените.
Владата ќе го пролонгира воведувањето на еколошката такса за енергенси, што во моментов е во собраниска процедура.
„Ја намалуваме стапката на ДДВ од 18% на 10% при промет на енергенсите: дизел, безоловен бензин ,гасно масло, течен нафтен гас (ТНГ) и метан. Оваа мерка ќе ја заштити куповната моќ на потрошувачите. Мерката ќе има директно влијание врз цените. Дизелот наместо 85,5 би се намалил на 75,5 денари, бензинот наместо 91,5 денари би се намалил околу 11,5 денари“, рече Ковачевски.
Премиерот Димитар Ковачевски на денешната прес-коференција истакна дека на денешната владина седница биле донесени повеќе мерки за ублажување на последиците од како што рече, најголемата глобална криза по Втората светска војна.
