Триесетгодишен жител на Кочани го загуби животот во сообраќајна несреќа која о четвртокот околу 15,50 часот се случи на магистралниот пат Македонска Каменица – Кочани во близина на браната „Калиманци“.
Од полицијата информираат дека сообраќајната незгода се случила помеѓу товарно моторно возило „мерцедес актрос“ со бугарски национални ознаки, управувано од 60-годишниот В.М. од Бугарија и автомобил „опел аскона“ без регистерски ознаки, управувано од 30-годишниот Б.В. од Кочани.
Во незгодата со тешки телесни повреди се здобил Б.В., кој со возило на Итна медицинска помош бил пренесен во Општата болница во Кочани од каде како итен случај бил препратен во Комплексот клиники „Мајка Тереза“ во Скопје, каде во 20,50 часот им подлегнал на повредите, информираат од МВР.
Увид на местото на настанот извршила увидна екипа од Полициската станица Делчево. Во времето од 15:50 до 18:40 часот сообраќајот беше во прекин.
Возачот на товарното моторно возило В.М. бил задржан во Полициската станица Делчево за понатамошна постапка. Се работи на целосно расчистување на случајот.