Полска и Украина бараат конфискација на имотот на Руската Федерација кој се наоѓа во странство, изјави денеска портпаролот на полската влада Пјотр Милер.
„Средствата што треба да бидат наменети за обнова на Украина во моментов се замрзнати во европските банки, главно во западно-европските. Тие мора да бидат запленети за да се создаде фонд за обнова на Украина“, рече Милер на прес-конференција во Варшава, пренесува РИА Вести.
Покрај тоа, како што рече, полската страна работи на економска соработка со полски компании со цел да учествува во обновата на Украина.
„Нашите инженери, нашите научници се подготвени да го поддржат овој процес. Но, во моментов, главната работа е да се најде извор на финансирање, а ние исто така бараме овие извори на финансирање да бидат во руска сопственост“, рече портпаролот на полската влада.
