Во петокот утрото околу 06.55 часот на крстосница од улиците „Горно Лисиче“ и „Лисец“ во населба Горно Лисиче, скопско, се случила сообраќајна несреќа помеѓу патничко возило „форд“, управувано од 24-годишниот А.К. од Скопје и патничко возило „фиат“, управувано од 33-годишниот С.К. од Скопје, двете со скопски регистарски ознаки.
Во несреќата возачот А.К. се здобил со тешки телесни повреди, а возачот С.К. и неговите сопатнички 31-годипната М.К. и две малолетни женски лица, сите од Скопје, се здобиле со телесни повреди, констатирани во Комплекс клиники „Мајка Тереза“. Увид извршила екипа од СВР Скопје.