Во натпреварот од 19. коло на англискиот фудбалски шампионат, Манчестер Сити на гости го победи Евертон со 3:1, со пресврт во вториот дел.
Актуелниот англиски шампион победи на „Гудисон Парк“, забележувајќи ја само второлигашката победа во последните седум кола. И овојпат не им одеше најдобро на манчестерските „Граѓани“. Во 29. минута Евертон искористи погрешно додавање на Родри и во продолжението од акцијата поведе со голот на Џек Харисон. Домашните го бранеа водството до полувремето, но Сити го сврте резултатот во продолжението.
Фил Фоден израмни во 53. минута со убав удар од 20 метри, а во 64. минута Хулијан Алварез погоди од пенал за 2:1 откако Амаду Онана со рака играѓе во својот казнет простор. Сите сомнежи околу прашањето на победникот ги реши Бернардо Силва во 86. минута. Португалецот ја искористи големата грешка на домашниот голман Џордан Пикфорд, кој лошо ја шутна топката, а Силва рутински шутираше во празната мрежа.
Манчестер Сити сега е четврти на табелата, последното место кое води во Лигата на шампионите следната сезона, со бод повеќе од шестиот Тотенхем. Пред Сити се третата Астон Вила со 39 бодови, Арсенал со 40 а прв моментално е Ливерпул кој има одиграно натпревар повеќе. Евертон остана на 17-то место со 16 бодови, само бод повеќе од зоната на испаѓање каде Лутон Таун има меч помалку.
Челзи со мака го совлада Кристал Палас на својот „Стемфорд Бриџ“, победувајќи со 2:1. Ова е втора победа на лондонските „Сини“ во последните пет кола, а веќе осми последователен меч за Палас без победа. Интересно, Маурисио Покетино испрати тим со просечна возраст од 23 години и 21 ден, кој беше најмладиот тим на Челзи во историјата на Премиер лигата, а осми најмлад во историјата на натпреварувањата на Островот.
Домашните поведоа во 13. минута со голот на Михаил Мудрик, Мајкл Олисе израмни во последните моменти од првото полувреме, а победата за избраниците на Маурисио Покетино ја донесе Нони Мадуке од пенал во 89. минута. Еберечи Езе згреши во шеснаесетникот со невнимателен старт токму над Мадуке.
Челзи сега има 25 бодови со кои е на 10-то место, додека Кристал Палас остана на 18 бодови и на 15-то место, недалеку од зоната на испаѓање.
Три бода освои и Вулверхемптон кој на гости го декласираше Брентфорд со 4:1. Средбата ја одбележаа „лудите“ три минути, од 13. до 16. кога беа постигнати три гола. Во 13. минута Марио Лемина погоди за гостите за 1:0, но само минута подоцна Хванг Хи-Чан го зголеми водството на гостите. Јоане Виса ја продолжи голијадата намалувајќи на 1:2 во 16. минута. Вулверхемптон дојде чекор поблиску до победата во 28. минута кога Хи-Чан го постигна својот втор гол на натпреварот за 3:1, а победата на Вондерерс ја потврди Жан-Рикнер Белегард во 79. минута за конечните 4:1.
Вулверхемптон се проби на 11-то место на табелата во групата екипи со 25 бодови, додека Брентфорд остана на 19 бодови и на 14-то место.
Последните два натпревара од 19-то коло се зажани за в четврток, Брајтон се среќава со Тотенхем, а Арсенал го пречекува Вест Хем Јунајтед.37 бодови и натпревар помалку.
