Фудбалерите на Тотенхем во последниот неделен натпревар од 11-то коло на англиската Премиер лига како домаќини го совладаа Евертон со 2:0.
Тотенхем отпорот на упорните гости од Ливерпул го скрши во вториот дел, кога беа постигнати двата погодока. Прво капитенот Хари Кејн реализираше пенал во 59 минута, а победата ја потврди во 86 минута Пјер-Емил Хојберг.
Ова е седмата победа на Тотенхем сезонава и сега со натпревар повеќе се израмни на второто место со Манчестер Сити со по 23 бодови, а во водство е Арсенал со бод повеќе и меч помалку. Евертон падна на 14-то место со 10 бодови.
Новиот прволигаш по долги години Нотингем Форес и натаму преживува тешки моменти, а денеска беше поразен со 0:1 од Вулверхемптон.
Натпреварот во 56 минута го реши од пенал домашниот напаѓач Рубен Невес. За Вулверхемптон ова беше само втората првенствена победа и направи мал скок на табелата, моментално е 17-ти со 9 бодови, додека Нотингем со една победа е последен 20-ти со 5 бодови.
Фулам и Борнмут ремизираа со резултат 2:2 во натпреварот во кој гостите двапати беа во водство. Доминик Соланке ги доведе во водство веќе во 2 минута, домашните израмнија преку Иса Диоп во 22 минута. Но само по седум минути ново водство за Борнмут донесе Џеферсон Лерма,а Алескандар Мотровиќ од пенал во 52 минута го донесе новото израмнување. Во завршницата Фулам имаше неколку шанси за целосен пресврт и победа, но гостите го издржаа притисокот.
И двете екипи останаа на истите позиции на табелата и натаму се соседи на табелата, Борнмут е 9-ти со 13 а Фулам 10-ти со бод помалку.
Лестер Сити и Кристал Палас одиграа без голови. Лестер е претпоследен 19-ти со 5 бодови, а Кристал Палас со двојно повеќе бодови е на 12-то место.
Во недела на распоредот се Астон Вила – Челзи, Лидс Јунајтед – Арсенал, Манчестер Јунајтед – Њукасл, Саутемптон – Вест Хем а колото го затвора дербито Ливерпул – Манчестер Сити.
